Муфтий Усмонхон Алимов Саудия Арабистони Ҳаж ишлари вазири ўринбосари билан учрашди
23 январ 2019 й.
69 марта ўқилди.

Муфтий Усмонхон Алимов Саудия Арабистони Ҳаж ишлари вазири ўринбосари билан учрашди
 

Аввалроқ, Саудия Арабистони Ҳаж ишлари вазири доктор Солиҳ Бентин таклифига асосан, «Ҳаж–2019» мавсумининг  ташкилий ишларини келишиб олиш мақсадида “Ҳаж” ва “Умра” тадбирларини ташкил этиш ва ўтказиш масалалари бўйича Жамоатчилик кенгаши раиси Жасур Акрамов ва Ўзбекистон мусулмонлари идораси раиси, муфтий Усмонхон Алимов ҳазратлари бошчилигидаги делегация Саудия Арабистонига жўнаб кетгани ҳақида хабар берган эдик.

21 январь куни, соат 11:00 да Ўзбекистон мусулмонлари идораси раиси, муфтий Усмонхон Алимов ҳазратлари  ва делегация аъзолари  Саудия Арабистони Ҳаж ишлари вазири ўринбосари билан учрашув ўтказдилар.

Учрашувда Ҳаж-2019 мавсуми юзасидан имзоланиши лозим бўлган шартнома шартлари ўзаро муҳокама қилиниб, ишчи гуруҳининг йиғилиши ҳам ўтказилди. Ушбу учрашувда шартноманинг бандлари муҳокама қилинди. Шунингдек, мазкур учрашувда томонлар ҳаж мавсумини намунали, тартибли ва энг юқори даражада ўтказиш масалаларини келишиб олишди.

 

 

Ўзбекистон мусулмонлари идораси Матбуот хизмати 

«орқага

Бухоро -
Бомдод: 06:30
Куёш: 07:30
Пешин: 13:10
Аср: 16:45
Шом: 18:30
Хуфтон: 19:55
Тўлиқ тақвим »
ТАСАВВУФ »
Сайтдан излаш
Аудио
Telegram