Ahli zikrning fazilati
18 май 2019 й.
1408 марта ўқилди.
Ahli zikrning fazilati
Payg’ambarimiz Muhammad Mustafo (s.a.v.) ahli zikrlarni Alloh taologa eng yaqin zotlar ekanligini hadisi shariflarida aytib o’tganlar.
Abu Hurayra (r.a.)dan rivoyat qilingan hadisda payg’ambarimiz (s.a.v.) aytadilarki: “Alloh taoloning yo’llarda aylanib yuradigan farishtalari bordir. Ular ahli zikrlarni qidirib yuradilar. Agar Alloh taoloni zikr qilib turgan jamoani topsalar, izlab yurganlaringizga kelinglar deb bir-birlarini chaqiradilar. Qanotlari bilan ahli zikrlarni o’rab oladilar dunyo osmonigacha. Robbilari ulardan so’raydi vaholanki robbilari ulardan biluvchiroqdir. Bandalarim nima deyapti ? Farishtalar aytadilarki :bandalaring senga tasbeh aytayaptilar, takbir aytayaptilar, hamd aytyaptilar va seni ulug’layaptilar. Alloh taolo aytadiki: ular meni ko’rganmi? Farishtalar javob beradilarki: yo’q qasam sengaki ular seni ko’rganlari yo’q. Alloh taolo aytadiki qanday qilardilar meni ko’rganlarida? Farishtalar aytadilarki agar seni ko’rgablarida senga qattiq ibodat qilardilar, qattiq seni ulug’lar edilar va senga ko’p tasbeh aytadilar. Alloh taolo aytadiki: bandalarim nimani so’rayaptilar? Farishtalar jannatni so’rayaptilar deb javob beradilar. Alloh taolo aytadi ular uni ko’rganmi? Yo’q senga qasamki ey robbimiz ular uni ko’rgani yo’q. Qanday qilardilar agar ular jannatni ko’rganlarida? Farishtalar javob beradilarki: agar ular jannatni ko’rganlarida unga qattiq hirs qoyardilar va uni qattiq talab qilardilar va unga bo’lgan rag’batlarini buyuk qilardilar. Alloh taolo badalrim nimadan panoh tilayaqptilar deb so’raydi? Farishtalar do’zaxdan deydilar. Alloh taolo so’raydi ular uni ko’rganmi? Farishtalar aytadilarki qasam senga ey robbimiz ular uni ko’rgani yo’q .Alloh taolo aytadi agar uni ko’rganlarida qanday qilardilar? Farishtalar javob beradilarki agar bandalaring uni ko’rganlarida undan qattiq qochardilar va undan qattiq qo’rqardilar. Alloh taolo aytadiki guvoh qilaman sizlarni batahqiq men ularni kechirdim. Shunda farishtalardan biri aytadiki ularning orasida falonchi bor u ulardan emas, albatta u o’zining hojati uchun kelgan. Alloh taolo aytadiki ular bilan birga o’tirganlar badbaxt bo’lmaydi”. Imom Buxoriy rivoyati.
Alloh taolo barchalarimizni mana shunday baxtu saodatga muyassar etib ahli zikrlardan bo’lishimizni nasib qilsin .
Kogon tuman “Xo’ja Ka’bul Axbor Vali”
jome’ masjidi imom xatibi
Odilov Haydar.
«орқага
